Tirioni

Cardai cardicas cardai
la lhana pa ls cobertores,
que las pulgas stan prenhadas,
ban a parir cardadores.

Tirioni tioni tioni
tirioni tioni tiono

La moda de l Tirioni
quien le habie d'aumentar?
Un burro dun cardador
que la trouxo pa l lhugar.

L lhugar de Dues Eigreijas
ten ua piedra burmeilha
adonde se sentan ls moços
a peinar a la guedeilha.

L lhugar de Dues Eigreijas
ten ua piedra redonda
adonde se sentan los moços
quando benan de la ronda.


Outor (Lhetra): Tradecional Mirandés
Cumpositor (Música): Tradecional Mirandés / Arranjo: Dulce Pontes,António Pinheiro da Silva i Albert Boekholt